Əkinçilik ETİ-nin əməkdaşları Qubada keçirilən toxum sərgi-satış yarmarkasında iştirak ediblər
Quba rayonunda növbəti toxum sərgi-satış yarmarkası təşkil olunub. Yarmarkada Aqrar Xidmətlər Agentliyinin müvafiq qurumları, Aqrar Kredit və İnkişaf Agentliyi, “Aqroservis” ASC, Dövlət Toxum Fondu, Azərbaycan Toxumçular Assosiasiyası, yerli toxum istehsalçıları, elmi-tədqiqat institutları, toxum istehsalı və satışı ilə məşğul olan şirkətlər və fermerlər iştirak ediblər.
Yarmarkada Əkinçilik Elmi-Tədqiqat İnstitutunu direktor müavini Qərib Novruzlu və aparıcı elmi işçi Dünyamalı Şərifov təmsil ediblər.
Toxum sərgi-satış yarmarkalarının müxtəlif regionlarda keçirilməsində əsas məqsəd aqrar sahədə potensialı və imkanları öyrənmək, toxum bazarını, o cümlədən yerli toxumçuluğu daha da inkişaf etdirməkdən ibarətdir.
Sərgi-satış yarmarkasında 30-dan çox sort toxum təqdim edilir.
Qeyd edək ki, yarmarkaya 20-dən çox toxumçu fermer qatılıb.