Əkinçilik ET İnstitutunda Elmi Şuranın növbəti iclası keçirildi

20.09. 2019 tarixində Əkinçilik Elmi-Tədqiqat İnstitutunda Elmi Şuranın növbəti iclası keçirildi. İclası giriş sözü ilə açan institutun direktoru Cavanşir Təlai aktual məsələlərdən, günün tələblərindən, görüləcək işlərdən bəhs etdi. Sonra gündəliyə daxil olan, 2019-cu il üçün institutun elmi və elmi-təşkilati fəaliyyətinə həsr edilmiş hesabatların, institutun 2015-2019-cu illər üçün elmi və elmi-təşkilati fəaliyyətinə həsr edilmiş yekun hesabatların, proqramlar üzrə elmi-tədqiqat işlərinin mövzu planlarının, 2020-ci il üçün təqvim və iş planlarının tərtibi və cari məsələlər müzakirə edildi.