Əkinçilik ET İnstitutunun əməkdaşı Heyvandarlıq ET İnstitutunda keçirilən konfransda iştirak etdi
Əhalinin ərzaqla təminatının yaxşılaşdırılmasında heyvandarlıq məhsullarının rolu böyükdür. Heyvandarlığın inkişafı, məhsuldarlığın artırılması və məhsulun keyfiyyətinin yaxşılaşdırılması bilavasitə yem bazasından asılıdır. Respublikada bu sahədə problemlərin araşdırılması və həlli yolları, Heyvandarlıq Elmi-Tədqiqat İnstitutunda İnstitutun təşkilatçılığı ilə əlaqədar təşkilatların, DAİM və fermerlərin iştirakı ilə keçirilmiş "Yemləmədə innovativ yanaşma" mövzusunda keçirilən elmi-praktiki konfransında qarşıya məqsəd kimi qoyulmuşdu. Konfransda Kənd Təsərrüfatı Nazirliyinin "Heyvandarlığın təşkili və monitorinqi" şöbəsinin müdiri Esmira Lətifova, Aqrar Elm və İnnovasiya Mərkəzinin şöbə müdiri Nicat Nəsirli, Azərbaycan Dövlət Aqrar Universitetinin Elmi işlər üzrə prorektoru Ramin Məmmədov, Nutrimax" MMC-nin "Heyvanların yemləndirilməsi" şöbəsinin müdiri Revaz Lapaçi, Azərbaycan Milli Elmlər Akademiyasının Gəncə bölməsi, Əkinçilik və Baytarlıq Elmi-Tədqiqat İnstitutu, ”Yalama Aqroparkı”, rayon Dövlət Aqrar İnkişaf Mərkəzlərinin əməkdaşları bu və ya digər məsələlərlə çıxış etmişlər. Əkinçilik Elmi-Tədqiqat İnstitutunun əməkdaşı Sevil Abbasquliyeva ”Azərbaycanda yem istehsalı: mövcud vəziyyət, problemlər və perspektivlər” mövzusunda çıxış etmişdir.