Kənd Təsərrüfatı Nazirliyinin Əkinçilik Elmi-Tədqiqat İnstitutu və Qida Təhlükəsizliyi Agentliyinin əməkdaşları arasında onlayn görüş keçirilib
Azərbaycan Respublikası Qida Təhlükəsizliyi Agentliyi tərəfindən hazırlanmış “Buğda ununa dair sanitariya normaları və qaydaları”, “Çörək məhsullarına dair sanitariya normaları və qaydaları” adlı texniki normativ hüquqi akt layihələrinə Əkinçilik ET İnstitutunun mütəxəssisləri tərəfindən verilmiş rəy və təkliflərlə bağlı onlayn formatda görüş keçirilib.
Görüşdə Əkinçilik ET İnstitutunun elmi işlər üzrə direktor müavini Sevinc Məmmədova, Dənin keyfiyyəti laboratoriyasının müdiri Qətibə Həsənova, İlkin toxumçuluq və toxum keyfiyyəti laboratoriyasının aparıcı elmi işçisi Möhtəsim Əhmədov, AR Qida Təhlükəsizliyi Agentliyinin Qida Təhlükəsizliyi şöbəsinin müdiri Ramazan Nəbiyev və Qida təhlükəsizliyinin tənzimlənməsi sektorunun müdiri İradə Hüseynli iştirak edib.
Müzakirə prosesində sözügedən texniki normativ hüquqi akt layihələri razılaşdırılıb.