Azərbaycan Respublikası (AR) Kənd Təsərrüfatı Nazirliyinin (KTN) Aqrar İnnovasiya Mərkəzi (AİM), Müdafiə Sənayesi Nazirliyi Milli Aerokosmik Agentliyinin (MAKA) Ekologiya İnstitutu və AR KTN-nin Meyvəçilik və Çayçılıq Elmi-Tədqiqat İnstitutunun birgə təşkilatçılığı ilə Quba şəhərində yerləşən Meyvəçilik və Çayçılıq Elmi-Tədqiqat İnstitutunda Azərbaycan Respublikasının

Ümummilli Lideri Heydər Əliyevin 100 illik yubileyinə həsr olunmuş “Azərbaycanda kənd təsərrüfatının innovativ yollarla inkişafı və ekoloji problemlər” mövzusunda elmi konfrans keçirilib. Konfransda AR KTN-nin, AİM-nin, Elm və Təhsil Nazirliyinin, Azərbaycan Milli Elmlər Akademiyasının elmi-tədqiqat institutlarının, MAKA-nın və digər təşkilatların, o cümlədən Özbəkistanın Azərbaycanda səfərdə olan “ARTİFEX Agrochem” şirkətinin nümayəndələri və mütəxəssislər, həmçinin Əkinçilik Elmi-Tədqiqat İnstitutunun direktoru Faiq Xudayev iştirak ediblər.