Bakı Dövlət Universitetinin biologiya fakültəsinin tələbələri Əkinçilik Elmi-Tədqiqat İnstitutunun təcrübə sahələrində təcrübə keçdilər

20-21.05.2019 tarixlərində Bakı Dövlət Universitetinin biologiya fakültəsinin IV kurs tələbələri Əkinçilik Elmi-Tədqiqat İnstitutunda oldular. BDU “Botanika” kafedrasının əməkdaşı Fidan Məmmədova, Humirə Hüseynova və İradə Əliyevanın rəhbərliyi altında 080A, 083A və 086A qrup tələbələri “Taxıl bitkiləri xəstəlikləri potologiyası” mövzusu üzrə yaz-tarla təcrübə sahələrində təcrübə keçdilər. Sahədə onları “Bitki seleksiyası” şöbəsinin icraçı əməkdaşı, a.e.ü.f.d., dosent Sevda Hacıyeva qarşılayaraq seleksiyanın əhəmiyyətindən, institutun rayonlaşmış taxıl sortlarından, hibridləşmə prosesindən və s. haqqında onlara maraqlı və ətraflı məlumatlar verdi. Sonda xatirə şəkilləri çəkildi.