Sabirabad, Saatlı, Salyan və Neftçala rayonlarında “Yem bitkilərinə aqrotexniki qulluq işlərinin vaxtında, keyfiyyətlə yerinə yetirilməsi və təhlükəsizlik qaydalarına əməl olunması” mövzusunda təlim keçirildi
Azərbaycan Respublikası Kənd Təsərrüfatı Nazirliyi, Aqrar Elm və İnnovasiya Mərkəzinin təsdiq etdiyi iş planına əsasən Əkinçilik Elmi Tədqiqat İnstitutunun “Yemlərin texnologiyası və zootexniki qiymətləndirilməsi” laboratoriyasının müdiri Sevil Abbasquliyeva 05.08.2019-cu il tarixində Sabirabad və Saatlı, 06.08.2019-cu il tarixində isə Salyan və Neftçala rayonlarında yemçiliklə məşğul olan fermer, sahibkar və kənd təsərrüfatı mütəxəssislərinin iştirakı ilə “Yem bitkilərinə aqrotexniki qulluq işlərinin vaxtında, keyfiyyətlə yerinə yetirilməsi və təhlükəsizlik qaydalarına əməl olunması” mövzusunda təlim keçirmişdir.
Təlimdə Sevil Abbasquliyeva respublikada heyvandarlığın inkişafında möhkəm yem bazasının yaradılmasının zəruriliyindən, bu sahədə yaşıl konveyerin rolundan və mövcud problemlərdən söhbət açmışdır. Təlimçi S.Abbasquliyeva yem bitkilərindən və onlardan yüksək və keyfiyyətli məhsul alınmasında aqrotexniki qulluq işlərindən, üzvi və mineral gübrələrin əhəmiyyətindən, torpağın qida maddələri ilə zənginləşdirilməsində paxlalı yem bitkilərinin rolundan və heyvandarlığın yem bazasının möhkəmləndirilməsi üçün tarla yemçiliyinin imkanları barədə geniş məruzə etmişdir. Təlimdə heyvandarlığın inkişafında əsas amillərdən biri olan silos, senaj, vitaminləşdirilmiş ot unu və başqa yemlərdən də bəhs edilmişdir. Təlimdə əyani vəsait kimi slayd materiallarından istifadə edilmişdir. Təlim çərçivəsində fermerləri maraqlandıran suallar ətraflı cavablandırılmış, mövzu ətrafında geniş müzakirələr aparılmışdır.